Mótmælum að neyða Íslensk börn úr landi til ofbeldisfulls föður!

Ég er barn forræðisdeilu sem tók 2 ára að leysa hérna á Íslandi og meðan bjó ég hjá hvorugu foreldri.

Ég vil segja það við þá sem taka harða afstöðu í þessu máli að þið vitið ekki neitt en dæmið og dæmið út frá engu og augljóslega hafið ekki orðið ykkur út um alvöru menntun í lífinu því þetta er meira og minna rökleysa og móðursýki sem rennur út úr ykkur, svona týpískt heykvíslaröskur bakvið "góðan málstað". Sem betur fer voru þið ekki "sérfræðingar" í mínu máli sem stóð frá 5-7 ára aldurs.

1) Faðirinn hefur ekki verið dæmdur fyrir eitt né neitt ofbeldiskent, þið hafið ekkert í höndunum.
2) Börnin munu alltaf í svona aðstæðum vera meðvirk móður og munu alltaf segja og gera allt til að verja hana eða föður ef aðstæður væru slíkar.

Bæði móðir mín og faðir lugu upp á hvert annað og hatast enn þann dag í dag eins og þetta fólk á eflaust eftir að gera. Ég á samt samband við bæði foreldri en það er grunnt til þeirra beggja því ekki er hægt að ræða neitt nema að gamla hatrið blossið upp.

Mér finnst ótrúlegt að sjá hversu margir hérna þykjast geta myndað sér e-h skoðun á þessu yfir höfuð eftir frásögn móður sem rænir börnunum sínum eins og Halim Al. Faðir hefur ekkert tjáð sig og þið í raun og veru hafið ekkert í höndunum til að mynda afgerandi afstöðu annað en ásökun sem ekki hefur fengist staðfest eða dæmt út í frá.

Sama hvort að hvert orð Hjördísar sé satt eða ekki þá rænir maður ekki börnunum sínum með þessum hætti og að halda svo að bréf frá krökkunum séu virkilega marktæk undir þessum kringumstæðum, vitnað í bréf sonar hennar eins og hvert annað sönnunargagn!?

Ég tek ekki afstöðu með eða gegn Hjördísi eða með eða gegn Kim en ég fullyrði að Hjördís ber ábyrggð á þeirri atburðarrás sem fór af stað þegar hún með ólögmætum hætti rænir börnunum og fer með þau til Íslands. Undir öllum kringumstæðum átti hún að hlíða lögunum og klára málið í Danmörku. Sé allt satt sem hún segir getur málið bara farið á einn veg því í DK er líka fólk sem vill börnum allt hið besta þó svo að sveittir netdólgar hér halda öðru fram.

Að lokum skulum við muna að börnin eiga frændur, frænkur, ömmu og afa í Danmörku. Danskur faðir þeirra á foreldra. Hjördís og faðirinn hafa hisst í réttarsal oftar en einu sinni og samt hefur kerfið þarna dæmt þeim sameiginlegt forræði og hann hvergi dæmdur fyrir ofbeldi. Að halda að kerfið þarna reyni virkilega að bera ofbeldismönnum björgina eða halda yfir þeim hlífskyldi undir strikar þá algjöru múgsefjun og rökleysu sem hér á sér stað.

Viðbót.
Fyrir þá sem taka ekki mark á þeim sem ekki koma fram undir nafni þá hreinlega kæri ég mig ekki um að fólk viti e-h smáatriði um mig en svona upplýsingar gera ekkert annað en að þvælast fyrir manni. Maður er bæði dæmdur út frá svona, gjörningar mans settir í ljós fortíðar og fleira álíka "gáfumannlegt".

S